Ji bo şervanê HPG’ê şehîd Doxan Amed (Qasim Xelîl) ku di 28’ê Kanûna 2021`an de li Herêmên Parastinê yên Medyayê şehîd bûbû, îro ji aliyê Meclisa Malbatên Şehîdan a Kantona Firatê ve merasîmeke xiyabî ligundê Hewlaqî yê Rojhilatê Kobanê li ber mala şehîd hat lidarxistin. Di merasîmê de endamên Meclisa Malbatên Şehîdan, endamên sazî û dezgehên Rêveberiya Xweser amade bûn.
Girseya gel bi dirûşman berê xwe da konê sersaxiyê û merasîmê bi rêzgirtinê dest pê kir. Piştre ji rêveberiya Kongra Star Nadiya Hisên sersaxî ji malbata şehîd Doxan Amed re xwest.
Nadiya Hisên wiha axivî: “Şehîd Doxan Amed û hevalên wekî wî bi salan têkoşîn û berxwedaneke pir mezin li çiyayên Kurdistanê meşand. Şehîdên me ji bo me rûmeta herî mezin in.”
Hevserokê Meclisa Malbatên Şehîdan a Kantona Firatê Mihemd Bozî jî şehîdên tevgera azadiyê bi bîr anîn û wiha got: “Em çi derbarê şehîdan de bibêjin jî wê kêm bimîne, ji ber ku wan her tişt ji bo gelê xwe kir û canê xwe feda kir. B fikir û felsefeya Rêber Apo û şehîdan tunebûna Kurdan kirin hebûn, em soza xwe bi şehîdên xwe re nû dikin.”
Piştî axaftinan pismanê şehîd Dogan Amed stranek li ser şehîdan got û diyarî şehîd Dogan Amed kir. Dûre wesîqeya şehîd hat xwendin û radestî malbatê hate kirin.
