Şewata daristanê ku li Hêne dest pê kir û piştî nîvro li Deşta Fîsê ya navçeya Licê ya Amed û gundên derdor belav bûye, bi qismî hatiye kontrolkirin.
Hevşaredarên Bajarê Mezin a Amed Serra Bucak û Dogan Hatun xebatên vemirandina agir, li qadê koordîne dikin.
Serra Bucak, diyar kir ku agir hîn bi tevahî nehatiye vemirandin û got ku şert û mercên bayê û hewayê mudaxeleyê zehmet dikin.
Serra Bucak, da zanîn ku agir li Hêne hatiye kontrolkirin û got ku tê payîn di demek nêz de li Licê jî agir bi tevahî were kontrolkirin.
Serra Bucak, anî ziman ku du helîkopterên girêdayî Midûriyeta Daristanî ya Bajêr ji bo vemirandina agirên li Edene û Semsûrê hatine şandin û got ku agir hem ji bo ajalan û hem jî ji bo şêniyên gundan gefê çêdike.
