Rêveberên ÎYÎ Partî yên Merdîn û navçeyên wê bi komî îstifa kirin. Serokê bajêr Suleyman Akar li gel serok û rêveberên navçeyan, derbarê mijarê de daxuyaniyek nivîskî da. Di daxuyaniya hevpar de wiha hate gotin: “Wekî Serokê ÎYÎ yê Mêrdînê, li gel serokên navçeyan û rêveberiyên bajêr û navçeyan, em ji bo piştgiriya pêvajoya çareseriyê û misogerkirina aştî, xwişk-biratî û yekîtiya millî ji partiya xwe îstifa dikin.”
Di daxuyaniyê de hate gotin ku piştgiriya pêvajoyê berpirsiyariyek dîrokî û wijdanî ye û wiha berdewam kir: “Gelê Mêrdînê; bi Tirk, Kurd, Ereb û Asûriyan re bi sedsalan bi hev re jiyane û sembola xweşbinî, aştî û xwişk-biratiyê ne. Ev gava ku em îro diavêjin ne tenê îstifa ye, vexwendinek ji bo aştiya civakî û xwişk-biratiyê ye.”
Di daxuyaniyê de hate destnîşankirin ku ji bo xwîn nerije û dayik negirîn “divê meqam bên fedakirin” û ji Serokatiya Giştî ya ÎYÎ Partiyê daxwaza tevlîbûna komîsyona ku Meclisê hatiye damezrandin, hate kirin.
