Li Afrîkayê piştgirê herî mezin yê veguhestina kesk Etiyopya ye, û bû welatê yekem ku di cîhanê de derhanîna siwareyên bi motorên termîkî qedexe kir. Li paytext Addis Abebayê êdî li kolanan gelek siwareyên elektrîkî têne dîtin. Li gorî nûçeya AFP’ê li welat bi giştî 115 hezar otomobîlên elektrîkî hene ku ev yek %7 parqa siwareyan pêk tîne.
Hikûmet armanc dike ku di nava 10 salan de vê hejmarê bigihîne 500 hezaran. Di pişt vê biryarê de hem polîtîkayên jîngehê hem jî xwesteka kêmkirina girêdana welat bi derhanîna petrolê re heye.
Siwareyên elektrîkî nemaze, ji ber bihayên bilind ên sotemeniyê û rêzên dirêj ên sotemeniyê têne hilbijartin. Bikarhêner dibêjin ku siwareyên elektrîkî li gorî siwareyên benzînî lêçûnên mehane, çend qatan kêm dikin. Lê belê bihayên bilind kêmasiya parçeyên cîgir û pisporên mekanîkê, û tenê nêzî 100 stasyonên barkirinê li seranserê welêt pirsgirêkên cidî diafirînin.
Tevî van astengiyan, modelên îthal nemaze, yên Çînî yên wekî BYD’ê, bi lez belav dibin. Bi vekirina Bendava Mezin a Ronesansa Etiyopyayê ya nû tê payin ku qapasîteya hilberîna enerjiyê zêde bibe û veguheztina welat ber bi siwareyên elektrîkî hêsantir bike.
