Yek ji mezintirîn sendîkaya çandiniyê ya Fransayê FNSEA, ragihand ku ew ê li seranserê welêt di 25’ê Îlonê de ‘rojeke mezin a çalakiyê” li dijî polîtîkayên bazirganiya navneteweyî lidar bixe.
Serokê sendîkayê Arnaud Rousseau, diyar kir ku çalakî dê li dijî peymana Mercosur, bacên Emerîkî û îtxalatên ku ne li gorî standardên Ewropayê ne be. Rousseau, dijberiya xwe ya berê ya li dijî peymana Mercosur dubare kir.
FNSEA, ragihand ku ew beşdarî çalakiya 10’ê Îlonê nebûye û diyar kir ku divê cotkar ji bo berjewendiya siyasî neyên îstismarkirin û got ku hilberîna çandiniyê xwedî girîngiyek mezin e.
Rousseau, her wiha diyar kir ku ji ber dema çinîna tirî û berhevkirina wê hê dewam dike, ew ê beşdarî greva giştî ya 18’ê Îlonê nebin.
GREVA GIŞTÎ DI 18’Ê ÎLONÊ DE YE
Di 10’ê Îlonê de bêhtirî 200 hezar kes daketibûn kolanan û siyaseta hikûmetê şermezar kiribûn. Di çalakiyê de 675 kes hatibûn binçavkirin, 549 kes di bin kontrola edlî de hatin girtin û 34 erkdadrên ewlehiyê birîndar bibûn.
