Alimê olî Şêx Murşîd Xeznewî daxuyanî da û anî ziman ku pêwîstiya gelê Kurd bi yekîtî û hevgirtinê heye. Şêx Murşîd Xeznewî diyar kir ku festîval ne tenê kombûneke çandî ye, di heman demê de ‘Roja piştevaniyê ya ji bo bicihanîna hêviyên paşerojê yên gelê Kurd e.
Serokê Civaka Îslamî (CÎK) Mele Şevket jî bal kişand ser girîngiya parastina zimanê Kurdî û got, “Her mirovekî Kurd divê bi zimanê xweb iaxive, perwerdeyê bibîne û hilberînê bike.”
Mele Abdûrrahman jî anî ziman ku ziman, çand û perwerdeya Kurdî bingeha civakeke azad e û destnîşan kir ku azadiya Rêber Apo ji bo hêviya aştî û çareseriyê krîtîk e.
Serokê Federasyona Komun a Demokratîk a Başûrê Fransayê (FKDK-BF) Yilmaz Serhad ragihand ku festîval nîşaneya xurt a piştevaniya civakî û yekîtiya neteweyî ye û banga tevlîbûneke xurt kir.
Hevserokê Meclîsa Gel a Marsîlyayê Veysel Saritaş jî ragihand ku festîval ji bo gihandina çand û hunera Kurdî ji bo paşerojê xwedî roleke girîng e.
Festîvala ku wê li Marsîlayayê bê lidarxistin weke kombûneke girîng a Kurdên li Ewropayê ya ji bo nasnameya çandî û xurtkirina ruhê yekîtiya neteweyî tê dîtin.
