Bûyerên piştî Banga Aştî û Civaka Demokratîk a Rêber Apo wê bêne şopandin.
Îdrîs Balûken anî ziman ku pêknehatina hevdîtina komîsyonê bi Rêber Apo re ji bo baweriya bi pêvajoyê şaşitiyeke mezin e û got, “Ji ber ku em qala lîderekî dikin ku mohra xwe li 50 salên dawî yên meseleya Kurd xistiye.”
Serokwekîlê Koma DEM Partiyê Sezaî Temellî wê li meclîsê civîneke çapemeniyê lidar bixe.
Serdar Akay anî ziman ku rewşa bavê wî Latîf Akay li servîsa mehkûman a Nexweşxaneya Êlihê girantir bûye û got, “Bavê min li ber çavê min dihele. Hem zerar dane roviyên wî hem jî li beşa lezgîn bi kelepçekirî hiştin. Divê înfaz tavilê bê rawestandin.”
Koma Amed piştî 27 salan wê li Amedê konserekê bide. Endamê komê Suleyman Çarnewa got, “Em tên ku deynê xwe bidin. Em ê bi hev re daxwaza aştiyê bikin.”
Hevseroka FEDA’yê Huriye Kabayel diyar kir ku gotinên tekkirinê yên li hemberî Elewiyan xizmetê ji polîtîkaya tekperestiyê ya dewletê dikin û got, “Her nêzîkatiya ku pesnê Talat Paşa dide, xizmetê ji mejiyê asîmîlasyonê yê desthilatdariyê re dike.”
