Kolektîfa ciwanan a bi navê “GenZ 212”, şeva pêncşemê xwest ku hikûmet îstîfa bike. Kolektîfê di demek kurt de zêdeyî 150 hezar endam kom kirin û li ser Discord xwe rêxistin kirin, tê destnîşankirin ku ti girêdana wê bi partiyeke siyasî re nîne.
Dema ku meha Îlonê li Agadirê 8 jinên ducanî li nexweşxaneyê di dema sezaryenê de jiyana xwe ji dest dan, protesto destpê kirin.
Di xwepêşandanên li paytext Rabat, Kazablanka, Marakeş û Agadirê hatin lidarxistin de, dirûşmeyên “Gel tenduristî û perwerdeyê dixwaze” hatin berzkirin.
Şeva çarşemê bûyerên tundiyê destpê kirin. Li gorî Wezareta karên Hundir, li gundê Lqliaâ ya li nêzî Agadirê komekê bi ser qereqola cendermeyan de girt û hewl da çek û muhîmatan bigirin. Di encama gulebarana cendermeyan de 3 kes mirin. Rayedaran îdîa kirin ku “parastina rewa” bû.
Rayedaran îdîa kirin ku di bûyeran de nêzî 300 kes birîndar bûn û piranî ji hêzên ewlekariyê ne. Li gorî Berdevkê Wezareta Karên Hundir Raşid El Halfî, zêdeyî 400 kes hatin binçavkirin. Her wiha zêdeyî 140æ wesayîtên polîsan û 20 otomobîlên taybet hatin şewitandin; li Înezgan û Ucdayê saziyên civakî, şaxên bankayan û dikan bûn hedefa çalakvanan.
Serokwezîr Azîz Ahnnuş jî ragihand ku niyeta hikûmetê heye ku bersiva daxwazên ciwanan bide û diyalogê çêbike.
