Ji Ajansa Rewşa Lezgîn a Nepalê Berdevk Shanti Mahat got, “Di karesatên cur be cur de heya niha 42 kesan jiyana xwe ji dest dan, 5 kes jî hîna winda ne.”
Ji qurbaniyan herî kêm 37 kes li herêma Illam a li rojhilat mirin. Hat ragihandin ku rêyên li herêmê ji ber hezazê hatin girtin. Rayedarek herêmî Sunîta Nepal diyar kir ku tîmên rizgarkirinê di şert û mercên zehmet de dixebitin.
Li paytext Katmanduyê ji ber ku çem fûriya, gelek tax di bin avê de man. Rayedar bi helîkopter û botan operasyonên tahliyeyê dimeşînin. Barana zêde rêya bejahiyê jî asê kir.
Di navbera mehên Hezîran û Îlonê de di demsala mûsonê de li başûrê Asyayê lehî û hezazên mezin rû didin. Tê gotin, ji ber guherîna avhewayê ev felaket zêde bûne.
