Macron şeva Îniyê di derdora saet 22.00’an de daxuyanî da û ragihand ku Lecornu wê wezîfeya xwe ya li Matignon bidomîne. Di daxuyaniya ji Qesra Elysee hatî dayîn de, ji serokwezîr hate xwestin ku hikûmeteke nû ava bike û bi partiyên siyasî re “muzakereyan bimeşîne”.
Lecornu diyar kir ku wî wezîfe weke “berpirsyariyeke wijdanî” qebûl kir û ji roja şemiyê û şûnde ji bo avakirina kabîneya xwe, dê dest bi xebatan bike.

