Ev bûyera hewayî ya li gorî demsalê zû pêk tê, wê bayên ku leza wan di saetê de digihîje 130-140 kîlometreyan bîne Fransa, Belçîka û Elmanyayê. Bahoz wê bandorê li Swîsreyê jî.
Bahoza ku tê payîn li Swîsreyê siharê rabe, wê barînên zêde û bayên ku leza wan di saetê de digihîje 100 û 120 kîlometreyan bîne.
Pisporê MeteoSuisse Lionel Fontannaz da zanîn ku bi taybetî herêma Jura, korîdora di navbera Alsace û Franches-Montagnesê de û Deşta Bakur di bin rîskê de ne. Ji ber pêla hewayê sar sînorê baran û berfê wê ji 2300 metreyan dakeve 1300 metreyan.
Li Fransayê jî Meteo Franceyê ragihand ku wê li peravên Atlantîkê û beravên Behra Manşê bayên dijwar û pêlçm mezin rabin. Ji bo heft herêman hişyariya rengê pirteqalî hate dayîn. Hate ragihandin dibe ku li seranserê welêt leza bayê li beşên hundir bigihîje 90-100 kîlometreyan û li peravan jî bigihîje 130 kîlometreyan.
Saziyên meteorolojiyê bang li welatiyan dike ku baldar bin, di geryan û karên xwe yên li ser behrê de hişyar bin.
