Konferansa Meclisa Jinan a Meclisa Malbatên Şehîdan a 3’yemîn a bi dirûşma “Bi rihê şehîdên azadiyê, demokrasî û aştiyê mayînde bikin û azadiya fîzîkî ya Rêber Apo mîsoger bikin” destpê kir.
Konferans li hola Navenda Çand û Hunerê ya Aram Tîgran a bajarokê Rimêlanê yê kantona Cizîrê bi beşdariya nêzî 400 delegeyên ji herêmên cuda yên Bakur û Rojhilatê Sûriyeyê tê lidarxistin.
Konferans bi rêzgirtinê destpê kir. Piştre bi navê Meclisa Malbatên Şehîdan Sureya Hemû, bi navê Kongra Star Gulistan Gulo û bi navê YPJ’ê fermandar Kurdistan Koçer axivîn.
Di axaftinan de îşaret bi rola pêşeng a jinan a di domandina rêya şehîdan, belavkirina nirxên azadî û wekheviyê de hat kirin. Her wiha behsa keda şehîdan a di parastina herêmê û têkbirina terorê de hat kirin.
Endama Kongra Star Elîf Hemo jî rewşa siyasî ya li Sûriyeyê û guhertinên li herêma Rojhilata Navîn şîrove kirin.
Di konferansê de dê rapora xebatên 2 salên borî yên meclisê were xwendin, rêzikname were xwendin û nîqaşkirin. Her wiha dê endamên nû yên meclisê werin hilbijartin.
