Li bajarokê Çarqurne yê ser bi Îdareya Serbixwe ya Raperîn, serdanên sersaxiya gerîlayê HPG’ê Şehîd Mahîr Destîna (Rîşan Salih) di roja duyemîn de dewam kirin. Her wiha merasîmek ya bîranînê hat lidarxistin.
Merasîma bîranînê bi deqeyek rêzgirtinê ji bo şehîdên Têkoşîna Azadiya Kurdistanê û bi berzkirina dirûşmeya ‘Şehîd Namirin’ destpê kir. Di merasîmê de soza şopandina rêya têkoşîna azadiyê ya şehîdan û bicihanîna xeyalên şehîdan hate dayîn.
Li gel malbata Şehîd Mahîr Destîna, malbatên şehîdan gelek welatparêz tevlî merasîma bîranînê bûn.
Peyama Komîteya Malbatên Şehîdan ya Başûrê Kurdistanê ji aliyê Amanc Mihemed Reşîd ve hate dayîn. Di peyamê de îşaret bi rol û pêşengiya şehîdan ya di têkoşîna azadiyê ya gelê Kurd de kir û soza şopandina rêya şehîdan û bicihanîna xewnên wan yên bidestxistina azadiya mayînde da.
Her wiha çalakvanê siyasî Seyîd Ehmed axivî û tekezî bi şopandina xebatên têkoşîna azadiyê ya bi xwîna şehîdên Kurdistanê gihiştiye vê pêvajoya niha em tê de kir.
Di dawiya merasîmê de, peyama malbata Şehîd Mahîr Destîna ji aliyê Mamosta Ehmed Sînemokeyî ye ve hat pêşkeşkirin û wiha got; “Em spasiya hemû beşdarên taziye û merasîma Şehîd Mahîr Destîna dikin. Em soz didin ku emê li ser rêya şehîdan heta dawiyê têkoşîna xwe bidomînin. Em şanaziyê bi şehadeta kurê xwe dikin.”
