Tevî ku li ser bahozê hefteyek derbas bû jî, li welat hejmartina qurbaniyan didome.
Wezîra Ragihandinê Dana Morris Dixon got, “Niha, 32 qurbanî hene, lê dibe ku ev hejmar zêde bibe.” Hat diyar kirin ku mirina 8 kesan hîn nehatine piştrast kirin.
Herî zêde eyeleta Westmoreland ji ber bahozê bandor bû. Bi hezaran kes bê mal mane û ji ber peydakirina pêdiviyên jiyanî yên mîna xwarin û av zehmetî tê jiyîn.
Nişteciha herêmê Tackeisha Frazer, banga alîkariyê kir û got, “Ev cara yekem e em li Jamaikayê karesetek bi vî rengî dijîn. Mirov birçî, bê mal û bêçare ne.” Dildaran, banga alîkariya navneteweyî kirin.
Bahozê li bajarên peravê yên wekî Whitehouse wêraniyek mezin çêkir.
Wezîrê Kar Pearnel Charles Junior, diyar kir ku rêyên nêzî 25 cihên niştecihbûnê qut bûne û got ku hin dever tenê bi helîkopterê dikarin alîkariyê bigirin.
Bahoza Melîssa li Jamaîkayê û her wiha Haîtî û Kubayê xistibû.
Pispor, diyar dikin ku guherîna avhewayê dibe sedem ku bahoz mezintir bibin.
