Berdevkê Desteya Hilbijartinên Herêmê ya li Komîsyona Bilind a Hilbijartinên Iraqê Zana Osman di daxuyaniyek de ragihand ku tevayî navendên ku dengdan lê pêkwerin radestî hêzên ewlehiyê hatine kirin û wê îro tevayî amêrên pêwîst veguhêzin wan navendan.
Her wiha Zana Osman da diyarkirin ku li Herêma Kurdistanê ji bo dengdana giştî pêwîstî bi hezar 312 navendan, ji bo dengdana taybet jî bi 204 navendan, bi giştî pêwîstî bi hezar 516 navendên dengdanê heye.
Hêjayî bibîrxistinê ye wê di 11’ê Mijdarê de li Iraq û Herêma Kurdistanê hilbijartina parlementoya Iraqê pêkwere. Mafê 21 milyon û 494 hezar kesan heye dengê xwe bikarbînin. Ji bo hilbijartinê 7 hezar 769 kesan xwe namzet nîşandane, ji vana 2 hezar 248 jinin û ji bo bidestxistina 329 kursiyên parlementoya Iraqê wê tevlî hilbijartinê bibin.
