Li bajarê São Paulo yê Brezîlyayê, xwendekarên pola dawîn a Dibistana Kooperatîfê ya Arco’yê ji bo li ser tekoşîna dîrokî ya Tevgera Azadiya Kurdistanê û Konfederalîzma Demokratîk bi kurahî nîqaş bikin hatin gel hev. Arco, di sala 2017’an de ji aliyê komek mamosteyan ve hatiye avakirin. Dibistana Arco ji bo avakirina modelekê perwerde yê ku xweserbûna mamoste û xwendekaran nas dike hatiye birêxistin kirin. Li dibistana ku ser rêgezên kooperatîfparêziyê hatiye avakirin, midûr an jî hiyerarşiyên kevneşopî tune ne. Hemû endamên civaka dibistanê (xwendekar, mamoste û malbat) di avakirin û rêvebirinê de bi awayek çalak tevlî dibin.
Li dibistanê ku giştî rojê nîqaş çêbûn de xwendekaran dane sibe li ser berxwedanên gelên şoreşger ên cîhanê gotûbêjek kûr pêk anîn. Gelek xwendekaran lêkolînên xwe yên li ser berxwedanên li Brezîlya, Nepal, Îtalya û Endonezyayê parve kirin. Her wiha li ser pêvajoyên rêxistinkirina berfireh ên di berxwedanên ku ji aliyê MPL (Movimento Passe Livre – Tevgera Azad Derbasbûnê) ve li São Paulo hatine birêxistinkirin, gotûbêjek berfireh hate kirin. Di wan deman de van rêxistinanbûnan, li hemberî polîtîkayên taybetkirinê yên dewletê, rêxistinkirina gel û standina hêza gel pêk anîbûn.
Piştî nîvro, xwendekaran li ser damezrandin û dîroka Tevgera Azadiya Kurdistanê gotûbêj kirin. Ji bo ku xwendekar rastiya xwe di çarçoveya Paradîgmaya Neteweya Demokratîk û têkoşîna Enternasyonala Komûnal de analîz bikin paradîgmaya Rêber Apo bû bingeha gotûbêjê. Di nav xwendekaran de nîqaşên kûr li ser mîsyona rêxistinkirina civakê û pêşengiya ciwanan pêk hat. Hem mamoste hem jî xwendekar, pêwîstiya pêşxistina amûrên ku felsefeya Rêber Apo û têkoşîna gelan bi hev ve girêdidin, cudahiyan hembêz dikin û modelên xwerêvebirina gel diafirînin, kirin rojevê.
Xwendekarên Dibistana Kooperatîfê ya Arco’yê diyar kirin ku ew ji rol û mîsyona ku Rêber Apo daye ciwanan gelekî bandor bûne û eleqeyek mezin nîşanî têkoşîna Enternasyonala Komûnal a ji Kurdistanê belavî cîhanê dibe dan.
Di dawiya rojê de, xwendekar û mamosteyan peyama piştgirî û hevkariyê ji Rêber Apo û têkoşîna demokratîk a gelê Kurd re şandin. Bi taybetî, ciwanên li Kurdistanê yên berxwedêr û berxwedanên li Brezîlyayê yên ji wan re dibin çavkanî silav kirin û ji bo azadiya fîzîkî ya Rêber Apo bangewazî kirin.
