Yekitiya Jinên Ciwan û Tevgera Ciwanên Şoreşger a Sûriyeyê bi armanca pêkanîna azadiya fîzîkî ya Rêber Apo li bajarê Helebê meşek meşaleyî organîze kir.
Di meşê de alên tevgerê, wêneyên Rêber Apo û meşale hatin hildan. Girse li pêş hola Civînan a 8ˊê Adarê ya Şêxemqsûdê kom bûn.
Girseyê ber bi Çerxerêya Zeytûnê ya taxa Eşrefiyê ve meşiyan û dirûşmên “Bijî Berxwedana Îmraliyê” hatin berzkirin û daxwaza azadiya fîzîkî ya Rêber Apo hat kirin.
Piştî meş li Çerxerêya Zeytûnê rawestiya, li wir endamê rêveber ê Tevgera Ciwanên Şoreşger a Sûriyeyê Mihemed Reşîd û endama Tevgera Ciwanên Şoreşger Dicle Şêxo ve axaftin hatin kirin.
Mihemed Reşîd destnîşan kir ku bi dehan salane Rêber Apo li dijî siyaseta dewleta Tirk a dagirker têdikoşe û got tevî mafê Rêber Apo ya hêviyê, hîna dewleta Tirk a dagirker di girtîgehê de ragirtiye.
Mihemed anî ziman ku divê ew li gorî perspektîfên Rêber Apo ên vê qonaxa ku bi navê “Aştî û Civaka Demokratîk” avêtiye, bimeşin.
Dicle Şêxo jî diyar kir ku ew wek ciwan ji bo nirxên ku pê bawer in û derbirîna helwestên xwe li hember doza adilane dengê xwe ji bo azadiya fîzîkî ya Rêber Apo bilind dikin.
Dicle Şêxo bal kişand ku fikirên Rêber Apo ji bo ciwanên lêgervanên azadî û demokrasiyê û modela pêxşistina rola jinan û ciwanan di civakê de jêdera îlhamê ne.
Dicle Şêxo di dawiya axaftina xwe de li ser navê ciwanên şoreşger soza berdewamkirina têkoşîna demokratîk û pabendbûna bi vebijêrka berxwedana aştiyan, dubare kir.
Meş bi dirûşmên “Bê Serok Jiyan Nabe” bi dawî bû.
