Duh êvarî li taxa Mezê ya Şam êrîşên bi moşekan hatin kirin. Hate zanîn ku moşek li nêzî markêtek- dibistana 86 ketin û hin din li nêzî mizgefta El Rihman a li devera Vêlat Xerbiyê ketin. Ambulans berê xwe dan cihê bûyerê.
Daîreya Ragihandinê ya Wezareta Parastinê ya hikumeta demkî ragihand ku li dijî Şamê “Êrîşeke nemerande” pêk hat. Li gorî daîreyê, 2 moşekên katyuşa ji derdora bajar avêtin qadên niştecihan ên Mezê û derdora wê, di encamê de birîndar û zerarên madî çêbûn.
Daîreyê daxuyanî ku wê dest bi lêkolînê kiriye heya ku êrîş werin naskirin.
Çavkaniyên xwecih gotin ku kuştî û birîndar hene, lê hejmarên wan tên veşartin. Medyaya ser bi hikumeta demkî ve ku agahiyên xwe dispêre wezareta tenduristiyê îdia kir ku di êrîşê de jinek tenê birîndar bûye.
Çavkaniyên din êrîş bi ‘’çalakiyên propogandaya DAÎŞ’ê’’ ve girê dane.
Hin çavkaniyên din êrîş spartin hewldanên tesfiyekirinê di nava hêzên hikumeta demkî de û îdia kirin ku piştî serdana serokê hikumeta demkî Ehmed El Şera bo DYE’yê nakokî di nava hikumetê de çêbûne.
Rayedarên Îsraîlê gotin ku destê Tel Avivê di êrîşa li Mezê de tune ye.
Heya niha tu aliyî êrîş negirtiye ser xwe.
