Meclisa Malbatên Şehîdan a Helebê ji bo 2 şervanên QSDˊê şehîd Rûmet Çîlo (Mihemed Bîlal) ê ku di 18ˊê Sibata 2019ˊan de li Efrînê şehîd bûye û Ebdullah Efrîn (Basil Qasim) ê ku di 17ˊê Adara 2018ˊan de li Efrînê şehîd bûye, merasîmeke xiyabî li dar xist. Merasîm li beşa rojava ya taxa Şêxmeqsûdê hat organîzekirin.
Di merasîmê de şênî û koçberên Efrînê, endamên saziyên sivîl, partiyên siyasî û Hêzên Ewlekariya Hundirîn amade bûn.
Di merasîmê de endamê Meclisa Malbatên Şehîdan Fethî Şêxo Mihemed got her du şehîdan di oxira parastina xakê de canê xwe feda kirine.
Endamê rêveber ê Hêzên Ewlekariya Hundirîn Zagros soza şopandina rêya şehîdan û parastina nirxên wan da.
Dûre wesîqeyên her du şehîdan hatin xwendin û radestî malbatên wan hatin kirin.
Merasîm bi diruşma “şehîd namirin” bi dawî bû.
