Serokê parlamentoyê Numan Kurtulmuş û koordînatorên partiyên siyasî yên ku di çarçoveya Pêvajoya Aşitî û Civaka Demokratîk de di parlamentoyê de hatibû damezrandin û di Komîsyona Piştevanîya Neteweyî, Xwişk-Biratî û Demokrasiyê de cih digirin, dest bi hevdîtinê kirin.
Serokwekîla Partiya Wekhevî û Demokrasiyê ya Gelan (DEM Partî) Gulistan Kiliç Koçyîgît, Cigirê Serokê Giştî yê MHP’ê Fetî Yildiz, Serokwekîlê AKP’ê Abdulhamît Gul, Cîgirê Serokê CHP’ê Murat Emîr, Serokê Koma Yenî Yolê Bulent Kaya beşdarî civînê bûn.
Tê payîn ku di hevdîtinê de, hûrguliyên civîna komîsyonê ya ku tê plankirin roja pêncşemê saet di 11.00’an de bê lidarxistin û tê pêşbînîkirin ku Serokê Rêxistina Îstîxbarata Neteweyî (MÎT) Îbrahîm Kalin, Wezîrê Parastinê Yaşar Guler û Wezîrê Karên Navxweyî Alî Yerlîkaya werin guhdarîkirin, werin gotûbêjkirin.
