Di 31`ê Cotmehê (2025) de Rêber Apo hevdîtin bi xwîşka xwe Fatima Ocalan, biraziyê xwe Alî Ocalan, biraziyê xwe Alî Ocalan Berfîn Ocalan û Parlamenterê Rihayê ya DEM Partiyê Omer Ocalan re pêk anî, silavên xwe ji civakên Suryanî, Êzidî re şand û 2 pênûs diyarî wan kir.
Ji bo silavkirina diyariya Rêber Apo şandeyeke ji Yekîtiya Êzidiyan a Sûriyeyê sardana Navenda Însiyatîfa Azadiya Rêber Apo ya Sûriyeyê ya li bajarê Qamişlo kir.
Şandeya civaka Êzidî ji Endamê Nivîsgeha Têkiliyan a Yekîtiya Êzidiyan a Sûriyeyê Mistefa Nebo, Hevserokê Yekîtiya Êzidiyan a Sûriyeyê Silêman Cafer, Endama Rêveberiya Yekîtiya Êzidiyan a Sûriyeyê Sûad Hiso, Endama Koordînasyona Yekîtiya Êzidiyan a Sûriyeyê Gulê Cafer û Berdevka Yekîtiya Jinên Êzidî ya Bakur û Rojhilatê Sûriyeyê Hediya Şemo pêk dihat.
Di serdanê de şandeyê spasiya Rêber Apo û li ser pêşwazîkirinê jî spasiya însiyatîfê kirin. Di civatê de şandeyê anî ziman ku diyariya ku Rêber Apo ji bo wan şandiye, diyariyeke herî bi nirx û giranbuha ye û wiha gotin: “Diyarî ji bo me cihê şanazî û serbilindahiyê ye, hêviyeke me ya mezin heye ku wê Rêber Apo di demeke nêz de fîzîkî azad bibe û em ê wî bibînin.”
Endamê Rêveberiya Însiyatîfa Azadiya Rêber Apo ya Sûriyeyê Ferzenda Munzur jî got: “Em gelekî kêfxweşin bi hatine we rastî gelê Êzidî rastiya gelê Kurd tevahî ye, civakeke berxwedêr û têkoşere.”
Di dawiya serdanê de Însiyatîfa Azadiya Rêber Apo ya Sûriyeyê pirtûkên Rêber Apo diyarî şandeyê kirin.
