Navenda Ragihandinê ya QSD’ê li ser malpera xwe ragihand ku hêzên wan li gundewarê Reqayê yê Bakur û Rojhilatê Sûriyeyê 2 çeteyên DAÎŞ’ê û 2 hevkarên wan girtin.
QSD`ê diyar kir ku hêzên wan bi piştgiriya Hevpeymaniya Navneteweyî, li deverên Hemrat û Cedîde yên gundewarê Reqayê, li dijî komek çeteyên DAÎŞ`ê operasyonek ewlehiyê pêk anîn.
Li dorî malpera fermî ya QSD`ê di operasyonê de çeteyên bi navên Ebdulcebar El Ubeyd El Siwadî û Mehdî Şenan El Ebdelah û 2 kesên bi navê Ebdul Îlah El Siwadî û Mihemed El Ebd El Ziyad, ku pişgiriya wan dikirn, hatin girtin.
QSD`ê ragihand ku di lêpirsînên destpêkê de, çeteyên hatine girtin li xwe mikur hatin ku ew endamên DAÎŞ`ê ne, bi rêya têkiliyê bi şaneyên din re tevlî çalakiyên terorîstî li herêmê bûne, her wiha tevlî êrîşên li dijî xalên leşkerî û hewldana pêkanîna sûîqestan bûne.
