Însiyatîfa Sûriyeyê ya ji bo Azadiya Rêber Abdullah Ocalan li kantona Tebqayê daxuyaniyek da. Daxuyanî ji hêla berdevkê însiyatîfê Hisên El Dixeyim ve li ber Meclisa Partiya Sûriya Pêşerojê bi amadebûna endamên însiyatîfê hate xwendin.
Di daxuyaniyê de hate destnîşankirin ku “berdewamiya girtina Rêber Abdullah Ocalan sûcekî navneteweyî ye û bi taybetî sûcek li dijî tevahiya mirovahiyê ye.”
Her wiha hate diyarkirin ku Rêber Apo projeya xwe ya siyasî û ramyarî bi nêrîneke stratejîk a ronakbîr destpê kir û çareseriyên nekevneşopî ji bo gelek pirsgirêkên herêmê û cîhanê pêşkêş kirin.
Di daxuyaniyê de hate diyarkirin ku Rêber Apo hucreya xwe ya zindanê veguherand çavkaniyek zanîn, raman û fêrbûnê û cihek ji bo derbirîna azad.
Însiyatîfê di daxuyaniya xwe de bang li rêxistinên navneteweyî, sivîl, mafên mirovan kir ku doza Rêber Apo li ser qada navneteweyî bikin mijareke mirovî û mafên mirovan û zextê li dewleta Tirk bikin da ku azadiya wî ya fîzîkî pêk bîne.
