Analîza berfireh AFP’ê ya girêdayî daneyên Copernicusê, nîşan dide ku li hin herêman rekorên germahiya mutleq hatine şikandin.
Asyaya Navîn, Sahel û Ewropaya Bakur di sala 2025’an de sala xwe ya herî germ derbas kirine. Li seranserê cîhanê li zêdetirî 70 welatan rekora germahiya 120 mehên dawiyê hate şikandin.
Li Asyaya Navîn bi taybetî jî li Tacîkistanê li gel germahiyên 3 dereceyan li ser standartên demsalan bû mînaka herî balkêş. Li welêt piştî meha Gulanê hema bibêjin hemû mehan rekora zêdebûna germahiyê hate şikandin. Li Qazaxistan, Ozbekistan û Îranê jî germahî 2-3 dereceyan ji standartên demsalê derbas bûne.
Li Sahel, Efrîqaya Rojava, Malî Nîjer, Nîjerya, Burkina Faso û Çadê germahî 0,7 û 1,5 dereceyan zêde bûye. Li gorî daneyan, Nîjeryayê germtirîn sala xwe derbas kiriye.
Pispor hişyariya didin ku pêlên germahiyê ji ber guherîna avûhewayê ya ji ber însanan di 10 salên dawîn de hema bibêjin 10 qatan bilind bûye.
Li Ewropayê jî germahiyên zêde di mehên havînê de xwe nîşan dan. Li Spanya, Portekîz û Keyaniya Yekbûyî havîna xwe ya herî germ derbas kirin û şewat û nebûna avê yên li van welatan bal kişand. Li Ewropaya Bakur jî ji havînê wêdetir payîzeke zêde germ xwe nîşan da; sala 2025’an wê ji bo Norveç, Swêd, Fînlandiya û Îzlandayê bibe yek ji sala herî germ.
