Rojnamevan Huseyîn Aykol, di 14’ê Cotmehê de li Enqereyê dema li mala xwe, xwîn çû ser mejiyê wî û di 70’ê saliya xwe de jiyana xwe ji dest da. Cenazeyê Aykol ku 36 salan di nava Çapemeniya Azad de ked dida, dê sibe were definkirin.
Ji bo Aykol dê sibe saet di 10.30’an de li Sehneya Yilmaz Guney a Şaredariya Çankayayê merasîm were lidarxistin. Piştre jî dê saet di 14.00’ê de li Goristana Karşiyakayê were veşartin.
Piştî merasîma veşartina cenazeyê, dê li Şaxa Komeleya Mafên Mirovan (ÎHD) a Enqereyê sersaxî bên qebûlkirin.
BERNAME
Toren: Şaredariya Çankayayê, Sehneya Yilmaz Guney, Cadeya Şehît Gonenç a Maltepeyê, Hejmar: 16
Saet: 10.30-12.30
Torena li Goristana Karşiyakayê: 14.00
Cihê gorê: V-779
BAKIRHAN SERSAXÎ JI MALBATA AKYOL RE XWEST
Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan û şandeyeke pê re, çûn serdana malbata rojnamevan-nivîskar Huseyîn Aykol û hempîşeyên wî. Şandeyê, li cihê xebatê yê Aykol malbat û hempîşeyên wî ziyaret kir. Di serdanê de Bakirhan sersaxî ji malbata Aykol û hempîşeyên wî re xwest.
