Li gorî Rêveberiya Giştî ya Ragihandin û Teknolojiya Zanyariyan a Parêzgeha Sineyê Aram Heyderî, ji ber berf û bahozê tora pewendî û înterneta 189 gundan qut bûye.
Tê gotin pirsgirêka tora peywendî ya 86 gundan çareser bûye, lê 103 gund hîn jî bê înternet in.
Aram Heyderî diyarkir ku qutbûna înterneta 16 gundan ji ber qutbûna kabloyên înternetê çêbûye û ya 173 gundan jî ji ber qutbûna ceyranê bûye.
Aram Heyderî da zanîn ku ji 26’ê Kanûna 2025’an ve 35 tîmên ku ji 70 pisporan pêk tên, hewl didin înterneta hemû gundên parêzgehê çêbikin. Li gorî Aram Heyderî hewldanên ji bo çareserkirina pirsgirêkan dewam dikin.
