Fermandariya Giştî ya Hêzên Ewlekariya Hundirîn ya jin bi daxuyaniyekê nasnameya 2 şehîdên berxwedana Şêxmeqsûdê aşkera kirin.
Daxuyanî bi vî rengî ye:
“Şerê ku 6’ê Çileyê dest pê kirî, ne tenê şerê çeteyên girêdayî HTŞ’ê bû, bi her awayî ev şer yekser ji aliyê çeteyên dewleta Tirk a dagirker ve dihat kordînekirin û meşandin. Li beramberî du taxên berxwedêr ku di dîroka mirovahiyê de bûye rûmeta gel, hemû cûre teknîka pêşketî hat bikaranîn û di vî şerî de jin û zarok ji nav de gelê me û şervanên me gelek pêkanînên sûcên şer re rû bi rû man. Li dijî hezaran çeteyan, şervanên dibin fermandariya Ziyatan de mîna Denîz, Dilbirîn, Feraşîn, Hawar û Rojbînan bûn destanên ku qet neyên jibîrkirin. Di vî şerê hebûn û tunebûnê de şervanên berxwedêr Leyla Qasim û Gerîla Amara jî bi berxwedana xwe dibin yek ji van destanên lehengiyê.
Di her kêliya dîrokê de jin bi rola xwe ya pêşengtiyê rabûye. Hevrêya me Leyla Qasim û Gerîla Amara jî bi têkoşîna xwe xwedî li mîrateyên şehîdan derketine. Jinên Kurd îro bi sekna xwe ya jixwe bawer û wêrek nasnameya jinên têkoşer yên cîhanê girtine. Em di serî de ji mimarê jiyana azad Rêber Apo, malbatên hevrêyên xwe yên hêja û welatparêz, gelê xwe yê azadîxwaz re sersaxiyê dixwazin û li beramberî van şehîdên tolhildêr bejna xwe ditewînin.
Hevrêya me Leyla Qasim, di nava eşîra Oxî ya welatparêz de li Girê Spî jidayîk dibe. Weke bi hezaran ciwanên Rojava, şahidiyê ji avabûna Şoreşa Rojava û Bakur-Rojhilatê Sûriyê re dike. Malbata hêja ya hevrêya me Leyla Qasim, bi keda xwe ya di nava şoreşê de, xwedî pîvanên kevneşopiya qedîm a welatparêziyê derketiye. Ji bo vê jî, li hember her cûre êrişên dewleta Tirk a dagirker û çeteyên wê li ber xwe dane û rûmeta xwe parastin e. Rêhevala me tevî malbata xwe ji ber êrişên dewleta Tirk a dagirker weke bi hezaran gelê me yê Girê Spî û Serêkaniyê koçberî Kobanê û Herema Cizîrê bûne. Hevrêya me fêm kiriye ku divê hêrsa xwe veguherîne têkoşînê û divê bersiveke pêwîst bide dijmin. Rastiya dijminê dagirker ku gelek caran, me hemûyan şahidî jêre kiriye, li ser kesayeta hevala me bandoriyek mezin daye çêkirin, ev hêrsa li dijî dijmin, kesayeta hevala me de ziviriye zanebûna dijmin û nasîna rastiya gelê xwe yê xwedî çandekî berxwedêr e. Li ser vê bingehê li dijî hemû cûre înkara, li dijî rastiya jin û pêkhateyên heremê di sala 2023’an de biryar dide û tevlî nava refên têkoşînê dibe. Di sala 2023’an de perwerdeya xwe ya bingehîn bi serkeftî derbas dike û xwe di felsefeya Rêber Apo û xeta jina azad de kur dike û dibe xwedî sekneke milîtanî ku dizane çawa jiyan bike. Di şerê Şêxmeqsûd û Eşrefiyê de rêhevala me Leyla pir bi morelek mezin cihê xwe di eniya herî pêş de digre. Ji roja destpêkê ve di şer de însiyatîfa tîmekê hildigre ser milê xwe û bi taktîkên nûjen re gelek darbeyan li çeteyên dagirker dixe. Hevaleke sekvan e. Bi hostatî karanîna çeka xwe ya sekvanî re bû tirs û xofa dilê dijmin. Gelek çeteyan bi vî şêwazî dide sekinandin. Bi sekna xwe ya bibiryar dibe xwedî şerekereke bê hempa. Hemû erkên ku hildigirt ser milê xwe bi serkeftî encam dike. Seknekî xwe yê wisa jîr hebû ku tu astengî nas nedikir û li gel rêheval Leyla rûxmê hemû astengiyan tişteke ku nabe nînbû. Ew tenê bi nav ne Leyla Qasim bû, ew bi kesayeta xwe jî bû xwedî berxwedariya Leyla Qasiman. Rêhevala me di kêliya ku şer destpêkirî û heya kêliya dawiyê li beramberî dijminê xwînxwar bi hemû rê û rêbazên xwelikar li ber xwe da. Dijminê ku rêhevala me bi singe sing nekarî şehîd bêxe herî dawî dubare serê xwe li teknîka da. Rêhevala me li taxa şexmeqsud di 06’ê Çileya 2026’an di encama êrişa dronê de digihêje asta şehadetê.
Hevrêya me Gerîla Amara, ji warê berxwedanê Kobanê çavên xwe li jiyanê vedike. Di nava eşîra Asî de mezin dibe. Di êrişên çeteyên DAIŞ’ê yên 2014’an li ser Kobanê de,ew jî weke bi hezaran gelê Kobanê koçî Bakurê Kurdistanê dibe. Piştî êrişên dagirkeriyê yên li ser Minbic û Bendava Şehîdan re ew di sala 2025’an biryara xwe ya di nava refên têkoşînê dide. Piştî perwerdeya xwe ya bingehîn, berê xwe dide keleha berxwedanê Helebê û demek, di kar û xebatên li vê qadê de cih digre. Kelecana wê ya jiyanê pir bi hêz bû. Di hemû jiyan û têkoşeriya xwe de ji sekna xweya berxwedêr tavîz nade û bi lehengiyek mezin dibe mînaka jiyana xwedî wate. Bi coş û moralek mezin dixwest hertiştî fêr bibe, da ku pêşengtiyeke rast bike. Bi heskirina xwe ya hevaltî dibû moralê hemû civatan. Gelek bi wêrek li ser hemû astengiyan de diçû û çareser dikir. Rêhevala me Gerîla çawa ku dijminê dagirker êriş dibe li ser herdû taxên me, bi tîmekê hevalan re wek fermandarekê tîmê dikeve tevgerê. Di nava şer de bi çekên ferdî bi taktîkên cûr be cûr li ser dijmin de diçe, carna bi dengê guleya xwe û carnan bi dengê tilîliyên xwe dibe tirs û xofa dijminê dagirker. Rûxmê ku hemû bangawaziyên dijmin rêhevala me Gerîla li dîroka mirovahiyê ya azadiyê xwedî derdikev. Ji bona xwe, şopdariya fedayîyên mîna Arîn Mîrkan û Avesta Xabûran esas digre. Ew dixwaze felsefeya Rêber Apo ya ‘Jin, Jiyan, Azadî’ ya ku li Cîhanê deng vedayî, di kesayeta xwe de şênber bike û li beramberî hemû cûre êrişên pergala desthilatdar, bibe bersiveke ku di dilê dijmin de biteqe. Rêhevala me jî weke hemû hevalê me yên ku pêşengiya şerê Helebê kirin ji xwere berxwedaniyê hildibêjire, rûxmê ku dikeve dorpêça dijminekê hov heya guleya xwe ya dawî şer dike û di dîroka 10’ê Çileya 2026’an de bombeya xwe ya dawî di xwe de diteqîne. Bi vî awayî bersiv dide qêrînên ku ji dengê zarokan di Helebê de bilind dibe û careke din dibe tevahî rûmeta jinên cîhanê.
Hevrêyên me Leyla Qasim û Gerîla Amara wek Ziyad, Denîz, Dilbirîn, Feraşîn, Hewar û Rojbînan bi rûhê xwe yê fedayî bûn pêşengên jiyana azad. Em soz didin rêhevalên xwe yên hêja û ewladên vî gelî yê herî binirx, tu caran em ê ji armancên xwe yên pêşeroja azad gav paşde neavêjin. Berxwedaniya van rêhevalên me wê hertim bibin çireya jiyan û têkoşîna me. Heya ku em negihêjin azadiya Rêberê xwe û gelê xwe em ê bêrawestan têbikoşin. Em dubare li beramberî van lehengan bejna xwe ditewînin, bi rêzdariyeke mezin hemû gelê xwe yê welatparêz û berxwedêr re sersaxiyê dixwazin.
Nasnav: Gerîla Amara
Nav û paşnav: Amara Xelîl
Cihê Jidayikbûnê: Kobanê
Navê dayik: Rohilat
Navê bav: Mehmûd
Cîh û dîroka şehadetê: 10. 01. 2026 Şêxmeqsûd / Heleb
Nasnav: Leyla Qasim
Nav û paşnav: Hacîre Abozer Oxî
Cihê Jidayikbûnê: Til Ebyad
Navê dayikê: Emîne
Navê bav: Omer
Cîh û dîroka şehdetê. 06. 01. 2026 – Şêxmeqsûd / Heleb”
