Fermandariya Navendî ya DYE’yê (CENTCOM) li ser platforma X’ê derbarê êrîşên li Helebê daxuyaniyeke nivîskî weşand. Di daxuyaniyê de hat diyarkirin ku geşedanên li Heleb û herêmên derdorê ji nêz ve tên şopandin û ev tişt hatin bikaranîn:
“Em bang li hemû aliyan dikin ku îtidala herî mezin nîşan bidin, ji kiryarên ku bibe sedema gurkirina rageşiyê dûr bikevin û parastina sivîlan û binesaziyên krîtîk bixin pêşiya her tiştî. Her wiha, em bang li hemû aktorên peywendîdar dikin ku bi niyetek baş vegerin ser maseya muzakereyê û bi riya diyalogê li çareseriyeke dîplomatîk a mayînde bigerin. Wekî me berê jî diyar kiribû, Sûriyeyeke ku di nav xwe de û bi cîranên xwe re di nava aştiyê de be, dikare rê li ber Rojhilata Navîn a bi aram û dewlementir veke. Berjewendiya hevpar a Dewletên Yekbûyî yên Emerîkayê û Sûriyeyê di parastina aştî û aramiya li seranserê herêmê de heye.”
