Di çarçoveya seferberiya giştî ya ji bo Rojavayê Kurdistanê û berxwedana gelê Rojava ya li dijî çeteyên HTŞ-DAIŞ’ê û dewleta Tirk a dagirker, xwepêşandan, çalakî û kampanyayên komkirina alîkariyê li seranserê Başûrê Kurdistanê berdewamin.
Kampanya komkirina alîkariyê ya Rêveberiya Perwerdeyê ya Rojava ya li Silêmaniyê, bi dirûşmeya ‘Kampanyaya Rojava ji bo Rojava’, dayî destpêkirin, berdewam e.
Kampanyaya ku 3 roj in didome, wê heya rojan îniyê dewam bike. Midûriyeta ku kampanyayê bi rêve dibe, diyar kir ku ji hemû dibistanan alîkarî gihiştine wan û got, divê hemû Kurd ji bo piştgiriya Rojava dest bidin destê hevdû.
