Bi tevlîbûna sedan kesan, şehîd Ehmed Hêmin Omer ku di 27’ê Çileyê de li Rojavayê Kurdistanê, di berxwedana li dijî çeteyên HTŞ-DAÎŞ û dewleta Tirk de şehîd bibû, li Kerkûkê hate spartina axê.
Cenazeyê şehîd bi beşdarbûna malbat, welatiyan û kesayet û aliyên siyasî, li goristana Rehîmawa ya li bajarê Kerkûkê hate spartina xakê.
Dayîka şehîd Ehmed ji Rojnews’ê re axivû û got: “Em bi kurê xwe serbilind in. Beşdarbûna ewqas welatiyan di merasîmê de xema me sivik kiriye.”
Ehmed Kerkûkî ciwaneke yê Kurd ê leheng ê bajarê Kerkûkê, hemû sînorên bi dest hatî çêkirin hilweşand û xwe gihande berxwedana dîrokî ya Rojavayê Kobanê. Ehmed Hêmin Omer li gel komeke ciwanên azad û welatparêz ê bajar, 20’ê Çileyê tevlî seferberiya li Rojava bûn. Li gorî daxuyaniya Komîteya Seferberiya Rojavayê Kurdistanê roja 27’ê Çileyê li eniyên berxwedanê li bajarê Hesekê şehîd bû.
