Gel di tevahiya meşê de bi berzkirina dirûşmeyên “Gelê Kurd yek e! Kürdistan yek e!”, “Bijî berxwedana Rojava” û “Jin, Jiyan, Azadî” peyamên piştgiriyê dan xelkê Rojava.
Di meşê de pankart û dovîzên ku xwedî li berxwedana Rojava derdikevin, hatin hildan. Hevserokê Giştî yê DBP’ê Keskîn Bayindir jî tevlî meşê bû.
Di meşê de posterên Rêber Apo û alên QSD û YPJ’ê jî hatin hildan. Dema ku meş gihişte qada Newrozê, li vir li ser navê platformê daxuyanî bi Kurdî û Tirkî hate xwendin.
Hevserokê Giştî yê DBP’ê Keskîn Bayindir axivî û diyar kir ku ev roj xwedî wateyeke dîrokî ye.
Bayindir bal kişand ser dorpêça li ser Kobanê û bang kir ku deriyên sînor werin vekirin û alîkariyên mirovî bigihijin wir.
Bayindir got, “Rêberê Gelê Kurd Abdullah Ocalan bi sekna xwe pêşî li komkujiyan girt. Kir ku peymanek çêbibe. Silav ji bo Rêberê Gelê Kurd. Em ê her tim li pey statuya xwe bin.”
