Platforma Saziyên Demokratîk a Rihayê têkildarî 1’ê Sibatê Roja Piştevaniya Rojava ya Cîhanê li Qada Pirsûsê daxuyanî da. Serokwekîlê Koma DEM Partiyê Sezaî Temelli, parlamenterên DEM Partiyê yên Rihayê Dîlan Kunt Ayan, Ferît Şenyaşar, Omer Ocalan, rêxistinên DEM Partiyê yên navçe û bajêr, endam û nûnerên partiyên siyasî, saziyên demokratik ên giredayî platformê û gelek kes tevlî daxuyaniyê bûn. Di daxuyaniyê de pankarta, “Xwedî derketina Rojava xwedî derketina mirovahiyeyê” hate vekirin.
Girseya li Qada Navçeyê kom bû, bênavber diruşmeyên, “Bijî Serok Apo”, “Şehîd namirin”, “Bijî berxwedana Rojava”, “Kurdistan goristan ji bo faşîstan”, “Jin Jiyan Azadî”, “Rojava Rojhilat e Kurdistan yek welat e” û “Bijî berxwedana gelê Kurd” berz kir.
Metna daxuyaniyê ji aliyê Hevserokê DBP’ê yê Rihayê İbrahim Ugurlu ve hat xwendin. Îbrahîm Ugurlu Roja Piştevaniya Cîhanê ya Cîhanê silav kir û wiha got: “Li dijî pergala kapîtalîzme ya netew dewlet paradîgmaya Netewa Demokratîk a Rêber Abdullah Ocalan li Rojava hat avakirin û ji gelan re bû hevî. Weke Rêber Abdullah Ocalan jî dibêje Rojava ne tenê parceyeke, mîsgoriya wekheviya gelan û azadiya jinan e. Hezên hegemon li dijî Rojava komployek dan meşandin. Ji bo wê jî parastina Rojava û destkêftiyên wê peywireke dîrokî ye. Meşeleya azadiyê ya Rojava veketiyê bi rêya sêyemîn a Rêber Abdullah Ocalan hêviya gelan e.”
Li ser navê TJA Başak Saridag axivî û anî ziman ku ew Roja Rojava silav dikin û piştgiriyê didin. Saridag bi lêv kir ku Rojava mînaka wekhevî û bi hev re jiyana Gelan e û wiha axivî: “Perspektîfa Modernîteya Demokratîk a Rêber Abdullah Ocalan li dijî pergala kapîtalîzme alternatîfek e. Gelê Kurd bi rihê Kobaniyê li qadan li ber xwe dide. Jin li dijî pêkanînên dij mirovî ya li ser jinan têkoşînê bilind dikin.”
Cîgihê Serokên Koma DEM Partiyê Sezai Temelli jî diyar kir Rojava di nav dojeha Rojhilata Navîn de jiyanê ava dike û ev tiş gotin: “Ji bo wê jî netew dewlet Rojava bi awayekî hovanê hedef digirin. Ji bo wê xwedî derketina Rojava xwedî derketina azadî û aştiye ye. Ew êriş bi xwedî derketina paradîgmaya birêz Ocalan pêkan e. Birêz Ocalan di 27’ê Sibatê de rêya aştî û civaka demoktîk nîşan da. Divê li her derê em aştî û Civaka demoktîk ava bikin. Birêz Ocalan tevî polîtikayên desthilatê jî pêvajoya aştiyê didomîne. Em nê di rê ya netew dewletan de di rêya sêyemîn de meşa xwe bidomînin. Dibêjin em dewleta Kurdan in jî madem hûn dewleta Kurdan in deriyê sînor vêbikin ku bila alîkarî bigehejê welatiyên Kobanê. Hemû gelên Tirkiyeyê divê bibin hemwelatiyên wekhev. Heke tu deriyê sînor vêneke ne dewlet û ne jî desthilat e.”
Piştî daxuyaniyê girsê xwest bimeşe avahiya DEM Partiyê ya Pirsûsê lê polîsan astengî derxist. Li ser astengiya polîsan girseyê bi berzkirina diruşmeyên, “Kurdistan goristan ji bo faşîstan” û “Ciwan fedaiyên Rêber Apo ne” berz kir. Girseyê piştî demekê xwest dorpeça polîsan hilweşînê û bi meş derbasî partiyê bibe. Lê polîsan bi awayekî tund êrişî girseyê kir û ava îsotê avetin girseyê. Li ser vê yekê girseyê jî bi keviran bersiva êrişa polîsan da. Li ser berxwedana girseyê dorpeça polîsan hilweşiya. Polîs li ber girseyê bazdan û dorpeç rakirin. Piştî dorpeç rabû girseyê bi berzkirina diruşmeyan meşiyan partiyê û çalakî li ber avahiya partiyê bi dawî bû.
