Komîteya ji Ocalan re Azadî ya Başûrê Kurdistanê bi boneya 27’emîn salvegera Komploya Navnetewî ya 15’yê Sibatê ya li dijî Rêberê Apo daxuyaniyek weşand, komplo bi tundî şermezar kir û got; ““Bêyî azadiya Rêbertî li Rojhilata Navîn aştî pêk nayê.”
Daxuyaniya komîteyê wiha ye;
“Domandina girtina Rêber Ocalan di Girtîgeha Îmraliyê de û siyaseta çewisandinê nîşana berxwedana wî ya mezin a li dijî faşîzmê ye. Fikrê Rêber Ocalan avakirina jiyaneke bi rûmet û civakeke demokratîke û paradîgmaya wî şoreşeke zanînî ya cîhanî ye ji bo xweserî û redkirina netew-dewletê.
Kesayetiya Ocalan mifteya çareseriyeke aştiyane li Rojhilata Navîn û Kurdistanê ye. Ji ber ku ew sembola parastina gel û jinûve rêxistinkirina civakê ye. Peyamên Ocalan bûne sedem ku Şam û Qamîşlo agirbestê îlan bikin û bigihîjin lihevkirinekê. Ev yek hêza Rêber Apo, gelê Kurd, gerîla, yekîtiya gelê û civakê nîşan dide.
Em wek Komîteya ji Ocalan re Azadî banga yekîtî û lihevkirinê li dijî şerê taybet yê ku ji bo biçûkxistina şiyanên Rêber Ocalan tê meşandin kir. Azadiya Ocalan bingeha şoreşê ye, dawî li şaristaniya qirker bi hezaran salan ya tîne û netewek demokratîk ava dike.”
