Li gorî çavkaniyên mirovî yên ji AFP’ê re axivîn, li gundê Konkoso yê li herêma Borguyê 38 kes, li Tungan Makeri 7 kes û li Pissayê kesek hatin kuştin.
Hat ragihandin ku di êrîşan de gelek mal hatin şewitandin, hin kes jî hatine revandin. Li gorî raporên ewlekariyê, hate diyarkirin ku êrîşkar bi motosîkletan ketin gundan.
Polîsan êrîşa li Tungan Makeri piştrast kir û ragihand ku lêpirsîna têkildarî bûyerên li gundên din didome.
Herêm, bi taybetî derdora Daristana Kainji ya navbera eyaletên Kwara û Nîjerê, ev demek dirêje weke qadeke ku çeteyên çekdar û komên cîhadîst lê fealiyetê dimeşînin tê zanîn.
Di destpêka meha Sibatê de li eyaleta Kwara zêdeyî 160 kes di êrîşên cîhadîst de hatibûn kuştin.
Piştî êrîşên dawî, lîderên ol û civakî yên herêmê bang li Serokê Dewletê Bola Tinubu kirin ku li herêmê baregeha leşkerî were avakirin.
Li aliyê din, rêveberiya DYE’yê rewşa ewlehiyê ya li Nîjeryayê ji nêz ve dişopîne. Tê diyarkirin ku hevkariya leşkerî ya navbera Washington û Abuja, di demên dawî de zêde bûye.
