Hevşaredarê Bajarê Mezin ê Mêrdînê Ahmet Turk ê ku qeyûm li şûna wî hatiye bicihkirin, piştî civîna koma DEM Partiyê ya Meclîsê li gel Hevseroka Giştî ya DEM Partiyê Tulay Hatîmogûllari bersiv da pirsên rojnamevanan.
Ahmet Turk têkildarî daxuyaniyên Devlet Bahçelî yên li ser qeyûman got, “Ji bo 27’ê Sibatê 2 roj man. Pêvajoyek ji salekê derbas bû. Lê belê hîn jî gaveke girîng ji aliyê vê desthilatdariyê ve nehatiye avêtin. Gaveke şênber nîne. Di nava gel de êdî bêbawerî heye. Ji bo hin gav bêne avêtin pêwîstî bi destpêkirina pêvajoyeke hiqûqî û qanûnî nîne. Di mijara qeyûman de pêwîstî bi sererastkirina qanûnî nîne. Ji bo bicihanîna biryarên Dadgeha Mafên Mirovan a Ewropayê pêwîstî bi pêvajoyeke qanûnî nîne. Vaye gel daxwaza avêtina van gavan dike. Dixwaze atmosfereke cihê baweriyê bê afirandin. Bendewarî ev e.
Meseleya qeyûm ne daxwaza me ye. Ji ber ku îradeya gel hatiye desteserkirin em di vê mijarê de israr dikin. Naxwe ji bo me ne girîng e ku hinek bibe şaredar; ji ber ku îrade hatiye desteserkirin gel bêbawer bûye. Divê ev yek ji holê bê rakirin. Hevalên me Fîgen Yuksekdag, Selahattîn Demîrtaş û yên weke wan li benda gavên li gorî biryarên Dadgeha Mafên Mirovan a Ewropayê ne. Pêkanîna vê baweriyê wê tevkariyê li afirandina atmosfereke baweriyê ya nû ya li nava gel bike.”
