Di rapora CPJ’ê de hate gotin, “Artêşa Îsraîlê heya îro ji artêşa her dewleteke din hîn zêdetir li dijî endamên çapemeniyê êrîş pêk anî. Piraniya kesên jiyana xwe ji dest dane, rojnamevanên Fîlîstînî yên li Xezeyê û xebatkarên medyayê ne.”
CPJ’ê bi bîr xist ku sala 2024’an 124 rojnamevan hatin kuştin û ragihand ku sala 2025’an 192 mirin çêbûn, vê yekê rekora duyemîn a 30 salên dawî şkand.
Hat diyarkirin ku di şerê li Xezeyê 86 rojnamevanan jiyana xwe ji dest dan hat destnîşankirin ku du herêmên din ên şer ên ji bo çapemeniyê herî kujer, Ûkrayna (4 mirin) û Sûdan (9 mirin) e.
Rayedarê CPJ’ê Carlos Martinez de la Serna diyar kir ku bikaranîna dronan zêde bûye û ragihand ku sala 2025’an ji ber êrîşên dronê 39 kes mirin.
Dîrektorê Giştî yê CPJ’ê Jodie Ginsberg diyar kir ku ji bo astengkirina van cînayetan û cezakirina berpirsyaran, divê hîn zêdetir hewldan were raberkirin.
