– Geşedanên piştî banga Rêber Apo ya Aştî û Civaka Demokratîk wê bên şopandin.
– Fîlozof-civaknas John Holloway daxuyaniya Rêber Apo ya di salvegera Banga Aştî û Civaka Demokratîk de nirxand û got, “Azadiya Ocalan ji bo demokrasiya kolektîf û lihevkirinê wê bibe gaveke krîtîk.”
– Parlamenterê DEM Partiyê yê Colemêrgê Parlak bal kişand ser banga yekîtiya Tirk-Kurd a di peyama Rêber Apo de û diyar kir ku ev yekîtî bi rêya pênaseyeke li ser bingeha hiqûqî ya hemwelatîbûnê dikare pêk were û got, ji bo avakirina civaka demokratîk fersendeke dîrokî ye.
– Parêzer Cemal Demir bal kişand ser tekeziya “qonaxa duyemîn” a Rêber Apo û diyar kir ku ji bo pêşveçûna pêvajoyê, li ser bingeha parlemenê avêtina gavên zagonî yên wekî “zagona demkî” û “mafê hêviyê” û dabînkirina azadiya fîzîkî ya Rêber Apo şertekî jiyanî ye.
– Serdar Altan, salvegera yekemîn a ‘Bangawaziya Aştî û Civaka Demokratîk’ a Rêber Apo wekî “pêvajoyeke ku çek bêdeng bûne lê siyasetê hîna dest bi axaftinê nekiriye” nirxand û destnîşan kir ku di qonaxa duyemîn de divê zagonên azadiyê bikevin meriyetê.
– Welatiyên ku salek berê li Qada Deriyê Çiyê banga Rêber Apo guhdar kirin, diyar kirin ku gel xwedî li banga aştiyê derdikevin, lê ji ber ku dewletê gavên şênber û qanûnî neavêtine, jê bawer nakin.
– Li navendên Kurdistan û Tirkiyeyê çalakiyên xizmên windayan û girtiyan wê bên şopandin.
– Gundên binarê Qendîlê bi berxwedan û têkoşînên xwe yên salan hatine nasîn, di heman demê de xwezayek cuda heye ku tijî jiyan e û gundên çiyayan, şahidên vê yekê ne.
