Penny Wong, bersiva nameya Charishma Kaliyanda ku têkildarê êrîşên hikûmeta demkî ya Sûriyeyê li dijî Kurdan hatibû amadekirin, da.
Penny Wong, diyar kir ku Avustralya ji ber zêdebûna aloziyan, bi taybetî li Heleb û derdora wê, pevçûnên di navbera hêzên Kurd û hikûmeta demkî ya Sûriyeyê de, qurbaniyên sivîl û koçberiya bi zorê pir bi fikar e. Penny Wong, got ku Avustralya bang li hemû aliyan dike ku agirbestê bişopînin û piştgirî dide pêvajoyek veguhêz a berfireh ku mafên hemû gelan misoger dike.
Penny Wong, her wiha da zanîn ku Avustralya fikarên xwe bi rêya kanalên dîplomatîk ji hikûmeta veguhêz a Sûriyeyê re ragihandiye û hev-sponsorê biryarek NY ya li ser parastina sivîlan e. Penny Wong, her wiha destnîşan kir ku Avustralya ji sala 2011’an vir ve zêdetirî 600 mîlyon dolarê Emerîkî alîkariya mirovî daye Sûriyeyê û welatên cîran.
Di dawiyê de, Penny Wong destnîşan kir ku her çend bandora Avustralyayê sînordar be jî, ew ê bi hevkarên navneteweyî re ji bo aştî û aramiya li Sûriyeyê bixebitin.
