Komela Newroz a Çandî û Civakî li Lubnanê bi peyameke sersaxî da malbata Endamê Desteya Hevserokatiya PYDˊê şehîd Salih Muslim.
Di peyamê de hat gotin ku bi xemgînî û êşeke mezin, Komeleya Newroz Çandî û Civakî li Lubnanê agahiya şehadeta siyasetmedar û têkoşerê Kurd Salih Muslim, endamê Desteya Hevserokatiya PYDˊê, wergirt. Salih Muslim jiyana xwe ji bo parastina mafên gelê Kurd û têkoşîna wan ji bo azadî, rûmet û demokrasiyê daye.
Di dewama peyamê de hat diyarkirin ku koçkirina şehîd Salih Muslim ji bo tevgera siyasî ya Kurd û parêzvanên nirxên azadî û demokrasiyê windakirineke mezin e, lê rêwîtiya wî ya têkoşînê û mîrasa wî ya siyasî dê ji bo nifşên nû jêdera îlhamê bimînin.
Komelayê di dawiyê de got bi vê boneya biêş sersaxiyê da malbata şehîd, hevrêyên wê yên di tevgera siyasî ya Kurdî de û gelê Kurd.
Partiya Sûriya Pêşerojê bi peyameke sersaxî da malbata Endamê Desteya Hevserokatiya PYDˊê şehîd Salih Muslim.
Di peyamê de hat gotin ku “Bi xemgînî û êşeke kûr me agahiya koça dawî ya hevalê me Salih Muslim, endamê Desteya Hevserokatiya Partiya Yekîtiya Demokratîk, wergirt. Bi vê boneya xemgîn, Partiya Sûriya Pêşerojê sersaxiyê dide malbata şehîd û hemû hevalên wî. Ji wan re sebir û aramiyê dixwaze. Me heval Salih Muslim di qadên têkoşînê de nas kir, ku ew yek ji parêzvanên herî berbiçav ên doza dadmend a gelê Kurd û têkoşîna gelê Sûriyeyê ji bo azadî û demokrasiyê bû. Bi vî awayî, Sûriyeyê bi giştî û gelê Kurd bi taybetî, yek ji parêzvanên herî germ ên hebûna xwe winda kir.
Windakirina şehîd Salih Muslim ji bo me hemûyan windahiyek mezin e.
Şehîd Salih Muslim li gelek qadên Kurdan, herêmê û navneteweyî bi pabendbûnek dilsoz a ji bo edaleta doza xwe û dozên hemû gelên banga azadiyê dikin, têkoşîn da. Tevî ku rastî girtin û zilmê hat jî, ew qet ji prensîbên xwe gav paşde neavêt û di têkoşîna gelê Kurd de roleke bingehîn lîst.
Şehîd Salih Muslim di vê qonaxa hesas û dijwar a dîroka gelê Kurd de koça dawî kir. Çûyîna wî ji bo gelê Kurd û ji bo hemû hêzên neteweyî yên ku baweriya xwe bi edalet û demokrasiyê tînin windahiyek mezin e.
Careke din, em sersaxiyê ji we, ji malbata şehîd û ji tevahiya gelê Kurd re dixwazin.”
