Koma çekdar a alîgirê Îranê Ashab El Kahf li ser Telegramê daxuyaniyek da û ragihand ku piştî Fransayê keştiya balafiran Charles de Gaulle şand Kendavê, wê li Iraqê û hemû herêmê êrişê bibin ser berjewendiyên Fransayê. Daxuyanî piştî eşkerekirina mirina leşkerekî Fransî yê il Herêma Kurdistanê hate dayin.
Di daxuyaniyê de her wiha bang li hêzên ewlekariyê hate kirin ku bi 500 metreyî nêzî baregeheke li Kerkûkê nebe ku tê gotin, leşkerên Fransî lê ne. Komê berpirsyariya ti êrişê yekser li xwe negirt.
MACRON: LEŞKEREKÎ FRANSAYÊ MIR
Serokkomarê Fransayê Emmanuel Macron jî ragihand ku li herêma Hewlêrê di êrişekê de eşkerekî Fransayê jiyana xwe ji dest da. Macron li ser hesabê xwe yê X’ê daxuyanî û diyar kir ku efserê wan Arnaud Frion di êrişê de jiyana xwe ji dest da.
Frion bû yekemîn leşkerê Fransayê ku piştî destpêkirina şerê li herêmê jiyana xwe ji dest da.
Macron di daxuyaniyê de got, “Ev êrişa li ser hêzên me nayê qebûlkirin ku ji sala 2015’an û vir ve di çarçoveya têkoşîna li dijî DAÎŞ’ê de li Iraqê ne.”
