Pîrozbahî bi beşdariya bi dehan gerîlayan pêk hat. Pîrozbahiya Newrozê ji meşa azadiyê, civîn, govend û stranan pêk hat.
Ji fermandarên gerîla Egîd Reşîd li pîrozbahiyê axivî û got, ew bi her awayî beşdarî pêvajoya Rêber Apo dibin, ji bo gerîla ya girîng azadiya Rêber Apo ye û ji bo vê armancê wê têkoşîna xwe bê navber dewam bikin.
Ji fermandarên YJA Starê Dîlan Hogir jî got, “Bi silavkirina berxwedana Rêber Apo Newrozê pîroz dikim. Em ji hevrêyê xwe, qehremanê nemir Mazlûm Dogan hîn bûn ku li çiyê, deştê, li bajêr di nava her şert û mercî de Newrozê pîroz bikin. Em ê bi heman ruhî têkoşînê mezin bikin.”
Gerîlayan heta derengiya şevê govend gerandin û pîrozbahiya xwe bi teqandina fîşekên hewayî û dirûşman bi dawî kirin.
