Li gel baranê jî girseya gel serê sibehê ber bi qadê ve herikî û bi kincên xwe yên gelêrî tevlî pîrozbahiyê bû.
Piştî deqeyeke rêzgirtinê pîrozbahiyê bi xwendina peyama Rêber Apo destpê kir. Di pîrozbahiyê de tim û tim dirûşmên “Bijî Serok Apo” û “Jin, Jiyan, Azadî” hatin qîrîn. Hevseroka DEM Partiyê ya Bajarê Şirnexê Taybet Bîlgî diyar kir ku Newroz nîşaneya berxwedana dîrokî ye.
Parlamenterê DEM Partiyê Zekî Îrmez jî di axaftina de de işaret bi aştî û têkoşînê kir.
Îrmez bal kişand ser daxwaza statuyê ya gelê Kurd û got, “Heta ku li çar parçeyên Kurdistanê bibe xwedî statu, wê têkoşîn dewam bike.”
Îrmez her wiha ji bo serketina pêvajoya aştiyê jî bang kir ku gavên şênber bêne avêtin.
Piştî axaftinan agirê Newrozê hate dadan û pîrozbahî bi muzîk û govendê bi dawî bû.
