Qada Newrozê ya li Mêrdînê bi kincên gelêrî û rengên kesk, sor û zer xemilî.
Çalakiyê bi deqeyeke rêzgirtinê ya ji bo bîranîna şehîdên têkoşîna azadiyê destpê kir. Li qadê tim û tim dirûşmên “Bijî Serok Apo”, “Yek e yek e Kurdistan yek e” û “Şehîd namirin” hatin qîrîn.
Posterên Rêber Apo li qadê hate bilindkirin. Di çalakiyê de endamê Konseya Hevserokatiyê ya PYD’ê Salih Muslim jî hate bîranîn.
Hevserokê DEM Partiyê yê Mêrdînê Nîhat Gokalp axivî, bal kişand ser têkoşîna salên dirêj a gelê Kurd û got, “Kurdan serî li ber kesî netewandin.”
Parlamentera Mêrdînê ya DEM Partiyê Bêrîtan Guneş Altin jî destnîşan kir ku Newroz îsal bû zemîneke xurt a ji bilêvkirina daxwazên azadî û yekîtiya demokratîk.
Bêrîtan Guneş Altin got, “Gel dixwaze Birêz Ocalan li gel xwe bibîne. Dixwaze gerîla li nava xwe bibîne. Ji ber vê jî bang Serok Apo bilind dike.”
Piştî axaftinan bi hezaran kesî agirê Newrozê dadan û govend gerandin.
