Înîsiyatîfa Yekîtiya Demokratîk piştgirî da “Projeya Lihevkirina Neteweyî” ku bi îmzeya zêdeyî 200 kesayetên Başûrê Kurdistanê hate destpêkirin.
Daxuyanî li ber avahiya Komeleya Diyalogê û Aştiya Civakî (TOD-DER) hate dayin û endamê Sekreterya Înîsiyatîfa Yekîtiya Demokratîk Hasan Guneş axivî. Hasan Guneş anî ziman ku bûyerên li Rojhilata Navîn hem krîzên giran bi xwe re aniye hem jî derfetên veguherînin girîng di nava xwe de dihewîne.
Ozguneş diyar kir ku Kurdistan li navenda krîzên herêmî û veguherînê ye û got, gelê kurd bi yekîtiyê dikare destketiyên heyî biparêze û bi pêş ve bibe.
Ozguneş bi taybetî bal kişand ser daxwaza yekîtiyê ya li qadên 8’ê Adarê û Newrozê bilind bû û destnîşan kir ku gel îradeya xwe ya bi vî rengî bi şênberî nîşan da.
Ozguneş ragihand ku berpirsyariyeke dîrokî dikeve ser milên partiyên siyasî, derdorên civakî û kesayetan û banga yekîtiyê ya li Herêma Kurdistanê ya Federe hate kirin erênî û weke gaveke dîrokî nirxand.
Bi navê Înîsiyatîfa Yekîtiya Demokratîk jî destnîşan kir ku ew piştgiriyê didin vê bangê û wê bi rengekî çalak beşdarî karên yekîtiyê bibe.
Hevberdevkê Înîsiyatîfa Yekîtiya Demokratîk Mehmet Kamaç piştre axivî û bi bîr xist ku li Rojhilata Navîn şer dewam dike û işaret bi girîngiya têkoşîna yekîtiyê ya Kurdan kir.
