Federasyona Cîhana Kurd bi boneya 27’ê Adarê Roja Şanoyê ya Cîhanî, Şanoya Netewî ya Kurd ragihand.
Di daxuyaniyê de hat gotin ku Şanoya Netewî ya Kurd, ku girêdayî Federasyona Cîhana Kurde, bi baweriya ku ewê bibe yek ji kanalên çandî û şaristanî yên Kurd, hatiye damezrandin, ji ber ku şano yek ji bingehên şaristaniya netewane.
Di dewama daxuyaniyê de wiha hate gotin; “Şanoya Neteweyî ya Kurd dê bibe neynikek ji nasnameya Kurd a hemdem û platformek ji bo ronakbîrî û humanîzmê. Ji vê perspektîfê ve, ew hewl dide ku bibe zimanê civak, gelê Kurd û bibe amûrek ji bo avakirina kesayetiyek erênî ya Kurd.
Şanoya Netewî ya Kurd hewl dide bi rêya hunermendên jêhatî û teknîkên nû bigiije vê armancê, erkê xwe dibîne ku hunereke bilind pêşkêş bike ku tevlîheviyek ji peyamek rastîn, estetîkeke hêja û nûjeniyê be.”
Di dawiyê de wiha hate gotin; “Şanoya Netewî ya Kurd dê bibe platformek ji bo teşwîqkirina ramana rexnegir, bilindkirina hişmendiya netewî, mirovî, netewî, temaşevanan û pêşkêşkirina pirsgirêkên mirovî, bi taybetî civaka Kurd. Ji bo vê armancê, ew bala xwe dide nivîsên hem Kurd û hem jî yên biyanî, bi awayekî ku di asta pirs û fikarên gelê Kurd de ye.”
