Rojnameya Newaya Jin di meha Nîsanê ya sala 2005’an de dest bi weşanê kir. Bi hejmara xwe ya 253’yan re 21 sal li pey xwe hiştin. Hejmara Nîsanê ya rojnameyê bi manşeta “Çareserî di rol û statuya Rêber Apo de ye” derket.
Di navenda hejmarê de; 4’ê Nîsanê rojbûna Rêber Apo, salvegera wefata dayika wî Uveyş Ocalan, banga duyemîn a li Îmraliyê hatî kirin û nîqaşên têkildarî pêvajoya avakirina civaka demokratîk hene.
Di rojnameyê de her wiha şerê li Rojhilata Navîn, pirsgirêkên civakî yên li Ewropayê, azadiya jinê, analîzên bi sernavên têkildarî ekolojî û koçberiyê hatin weşandin.
CIVAKA NÛ
Di rûpelê forum ê rojnameyê de nivîseke ji dahûrandinên Rêber Apo yên 24’ê Îlona 1993’yan ku têkildarî “avakirina civaka nû” ye, heye.
Di rojnameyê de her wiha nameya ku Rêber Apo bi wesîleya 8’ê Adarê Roja Jinên Kedkar ên Cîhanê ji PAJK’ê re nivîsandî, cih girt.
Nivîskar Raperîn Munzur hişyarî da ku eger zemînê muzakereya vekirî neyê avakirin, wê şer û bêçareserî kûr bibe.
Di rojnameyê de her wiha nivîsên Medya Doz û Haskar Kirmizigul ên têkildarî 4’ê Nîsanê, hene.
Fîlîz Zeyrek jî derbarê Dayika Uveyş nivîsand.
Hûn dikarin li ser “newayajin.net” xwe bigihînin rojnameya derbarê sernavên azadiya jinê, civaka demokratîk, aştî û berxwedana civakî de.
