Danê sibehê bi droneyekê êriş li ser bîra petrolê ya Castrol a Îngiliz hate kirin û di encamê de şewatek mezin derket.
Tîmên Parastina Sivîl a Hewlêrê gihîştine cihê bûyerê û hewl didin agirê ku ji ber ketina droneyê derketiye, kontrol bikin.
Ew madeyên ku di nav depoyê de hene zû dişewitin, ji ber wê jî ziyanên maddî zêde ne, lê di nav tîma kompanyayê ku di dema bûyerê de li wir bûn, tu birîndarên canî çênebûne.
Hêjayî gotinê ye ku komên çekdar ên nêzî Îranê yên li Iraqê di çarçoveya piştevaniya Îranê de rojane êrişî ser Herêma Kurdistanê dikin û bi vî rengî ziyanên maddî û canî digihînin welatiyan.
Doh bi şev jî bi 7 droneyan êriş hate pêkanîn û dengê teqînan li bilindahiya asîman hate bihîstin. Bermayek yê droneyek li mala welatiyek ket xwarê û tenê ziyanên madî çêbûn.
