Hikumeta demkî ya Sûriyeyê şaredarek ji bajarokê Çelebiyê yê Kobanê re tayîn kir.
Bi dehan kes ji şêniyên bajarokê Çelebiyê li pêşiya avahiya şaredariyê kom bûn û nerazîbûn nîşanî vê yekê da. Şêniyan diyar kir tayînkirin ne li gorî peymana di navbera QSD-Rêveberiya Xweser û hikumeta demkî de ye, li gorî wê şênî herêmên xwe bi rê ve dibin û rêveberên xwe hildibijêrin.
Hêzên ewlekariya giştî yên girêdayî hikumeta demkî xwepêşandan asteng kir, gule teqandin û rê neda çapemenî bûyerê bişopîne. Li gorî agahiyan, şêniyên Çelebiyê niha di bin dorpêça hêzên çekdar ên hikumeta demkî de ne. Li bajarokê Çelebiyê rageşî dewam dike.
