– Geşedanên piştî banga Rêber Apo ya Aştî û Civaka Demokratîk wê bên şopandin.
– Siyasetmedar Çaglar Demîrel got ku her çiqasî aliyê Kurd derbarê pêvajoyê de gav avêtine jî, dewletê hîn gavên şênber û pêbawer neavêtiye û anî ziman ku ji bo pêşvebirina pêvajoyê bêyî dereng bimîne divê gavên qanûnî û pratîkî bên avêtin.
– Parlamenterê DEM Partiyê Zulkuf Uçar ku tabloya kaosê ya ji ber lêgerînên hegemonîk li Rojhilata Navîn derketî holê dinirxîne, destnîşan kir ku tenê rêya xelasiya ji pencê şerê herêmî, perspektîfa çareseriya demokratîk a Rêber Apo ye. Uçar bal kişand ser wê yekê ku divê dewlet gavên pratîkî yên wekî ‘Zagona Entegrasyona Demokratîk û Aştiyê’ zêdetir dereng nexe.
– Lezgîn Botan pêvajoya “Aştî û Civaka Demokratîk” nirxand û diyar kir ku dewlet pêvajoyê ji demê re dihêle û serî li taktîka mijûlkirinê dide. Botan anî ziman ku çareserî tenê bi gavên şênber û bingehîn mimkun e.
– Beşdarên kongreya Partiya Ciwan a Êzidî diyar kirin ku pir girîng e ku ciwanên Êzidî bibin xwedî biryara xwe ya siyasî û gotin: “Avabûna partiyeke siyasî ji aliyê keç û xortên Êzidî ve, bi serê xwe serkeftineke mezin e ji bo hemû Êzidiyan. Ciwan dikarin rewşa siyasî li herêmê biguherin.”
– Parlamenterê EMEP’ê Îskender Bayhan got: “Divê em qebûl bikin ku ji bo rizgarkirina çîna karker a Tirkiyeyê ji tariya kûr a şovenîzm û nijadperestiyê, hîn ne di asteke pir pêşketî û bi hêz de ne, da ku em gavên hîn mezintir bavêjin.”
– Operasyona DYE-Îsraîl a li dijî Îranê û geşedanên têkildarî vê yekê wê bên şopandin.
– Çalakiyên xizmên girtiyan û windayan ên li navendên Kurdistan û Tirkiyeyê wê bên şopandin.
