Li taxa gundewarî ya Barmanê ya ser bi Stewrê ve, ji bo Emel Guneş (Pîroz Mêrdîn), Fatîh Aydin (Agir Mêrdîn), Nevzat Fîdan (Arat) û Vedat Aydin (Piling Barman) taziye hat danîn.
Taziyeya ku hatibû danîn bi meşeke girseyî hat ziyaretkirin. Di dema meşê de gelek caran dirûşmeyên “Bijî Serok Apo” û “Şehîd namirin” hatin berzkirin.
Welatiyên ku gihîştin qada taziyeyê ji malbatên şehîdan re sersaxî xwestin. Di dema ziyaretê de li ser têkoşîn û bîranînên şehîdan axaftin hatin kirin.
Perlamentera Mêrdînê ya DEM Partiyê Bêrîtan Guneş Altin, diyar kir ku şehîdên têkoşîna azadiya Kurd bi salan e bedelên mezin dane û banga xwedîderketina li nirx û têkoşîna wan kir.
Li taxa gundewarî ya Qereşîkê ya ser bi navçeya Artukluyê ve jî ji bo Sevcan Bulut (Serhildan Serbaz) taziye hat danîn.
Taziye ji aliyê rêveberên navçeyê yên DEM Partiyê û bi sedan welatiyan ve hat ziyaretkirin. Di ziyaretê de ji bo bîranîna şehîdên têkoşîna azadî û demokrasiyê deqeyek rêz hat girtin.
Hat ragihandin ku ziyaretên sersaxiyê bi çûyîna mala malbatan berdewam dikin.
